ANA ORTIZ ANIMA Á CIDADANÍA A PARTICIPAR NAS ACTIVIDADES DA BIBLIOTECA JUAN COMPAÑEL DE VIGO CON MOTIVO DO DÍA DO LIBRO

A delegada da Xunta en Vigo, Ana Ortiz, presentou este mércores as actividades programadas pola Biblioteca Pública de Vigo Juan Compañel con motivo do Día do Libro. A representantes autonómica destacou a súa programación, tanto para adultos como para os máis pequenos.

Segundo explicou a representante autonómica, a Biblioteca será o escenario de mostras bibliográficas, tamén de sesións de contacontos e obradoiros. “Nas actividades programadas conta moito o público infantil, posto que os máis pequenos teñen que ser sempre unha prioridade para transmitir o noso patrimonio cultural”, sinalou. Ortiz, que estivo acompañada durante a presentación pola subdirectora da Biblioteca Pública Juan Compañel, Silvia Freiría, apuntou que este mesmo xoves comezarán as actividade.

CONTACONTOS:

Xoves, 23 de abril, ás 17:30 e ás 18:15 h: “Bebec@anta” a cargo de Pablo Díaz.

Bebés de 0 a 3 anos 

Pablo Díaz fará unha viaxe a través dos contos coa música como fío condutor, tratando temas e rutinas adaptadas para os máis pequen@s. Para conseguilo, axudarase de instrumentos como frautas, guitarra, harmónica, e interpretará algún dos seus temas máis populares.

Sábado, 25 de abril: “Superworm” ás 12:00 h. por Academia Bastón.

Nenos /as de 4 a 12 anos

Contacontos en inglés sobre a diversidade e a inclusión cunha pequena actividade manual relacionada coas emocións, tamén traballarán os valores que se representan no conto.

OBRADOIRO DE BANDA DESEÑADA:

Sábado 25 de abril de 12:15 a 13:45 h.

Impartido por María Vilar. Para maiores de 8 anos. Sala multiusos (2º andar)

 VISITAS GUIADAS:

 Xoves 23 de abril ás 12.00 e ás 18.00 h.

Para que os usuarios e usuarias, e aquelas persoas que aínda non o son, poidan coñecer todos os espazos e servizos que ofrece a biblioteca.

EXPOSICIÓNS E CENTROS DE INTERESE:

Libros eternos. Literatura infantil inesgotable.

Exposición bibliográfica do 6 de abril ao 4 de maio para conmemorar o Día do libro

Sala infantil. Público familiar

Os metalibros: libros que falan sobre libros.

Exposición bibliográfica do 6 de abril ao 4 de maio

Para conmemorar o Día do libro decidimos recopilar esta serie de obras que navegan entre os libros e a literatura.

Zona de exposicións da biblioteca. Todos os públicos.

CLUBS DE LECTURA ADULTOS: na sala multiusos (2º andar)

• FRANCÉS: luns 20 de abril de 19.00-20.00 h.
• ITALIANO: martes 21 de abril de 18.45-19.45 h.
• CASTELÁN: mércores 22 de abril de 18.00-19.00 h.
• INGLÉS: mércores 22 de abril de 19.30-20.30 h.
• PORTUGUÉS: xoves 23 de abril de 18:00-19.00 h.
• GALEGO: xoves 23 de abril de 19.15-20.15 h.
• LECTURAS DRAMATIZADAS: venres 24 de abril, de 18.00 a 20.00 h.
• CÓMIC: sábado 25 de abril de 10.00-12.00 h.

CLUBS DE LECTURA INFANTIL E XUVENIL: na sala actividades infantil

• MOCIDADE: venres 24 de abriL de 18.00-19.00 h.
• INFANTIL: venres 17 de abril de 18.00-19.00 h.

VISITAS ESCOLARES

As visitas escolares teñen como obxectivo dar a coñecer as posibilidades que ofrece a biblioteca para os nenos e nenas. Durante a visita, os escolares visualizan vídeos explicativos da historia, funcionamento e recursos da biblioteca, pasan polo espazo de exposicións e consulta de libros curiosos, e gozan de contacontos, xogos e actividades didácticas na área infantil. O día 23 de abril recibiremos ós alumnos de 5º de primaria do Colexio San José de la Guía. O día 24 de abril aos alumnos de Infantil (3 anos) do Colexio Carmelitas.