OS VICEPRESIDENTES DA DEPUTACIÓN ASISTEN Á GALA DA FUNDACIÓN DENIS SUÁREZ A FAVOR DA ASOCIACIÓN ARELA

O vicepresidente e a vicepresidenta da Deputación de Pontevedra, Rafa Domínguez e Luisa Sánchez, asistiron esta tarde no Palacio da Oliva (Vigo) á gala organizada pola Fundación Denis Suárez co obxectivo de recadar fondos a favor da Asociación ARELA. Esta entidade, dedicada a promover o desenvolvemento integral da infancia e a xuventude, vén sendo beneficiaria das liñas de axudas convocadas pola institución provincial para entidades sen ánimo de lucro que realizan actuacións con colectivos que precisan apoio social.