Luisa Sánchez adéntrase nos monotipos de La Solitaire du Figaro

A vicepresidenta da Deputación de Pontevedra e deputada de Deportes, Luisa Sánchez, visitou este sábado o peirao de Portocultura, onde que permanecen amarradas as embarcacións participantes na prestixiosa regata La Solitaire du Figaro. Tras a cerimonia de entrega de premios da primeira etapa entre Perros-Guirec e Vigo, e acompañada da conselleira do Mar, Marta Villaverde, e do presidente da Autoridade Portuaria de Vigo, Carlos Botana, a representante provincial adentrouse nestes barcos para comprobar de primeira man as condicións nas que navegan os participantes desta esixente competición oceánica. Un dos participantes na proba explicoulles con detalle como se desenvolve a travesía en solitario, amosándolles os sistemas de orientación e navegación, así como os reducidos espazos nos que cociñan e descansan durante as súas longas travesías. Luisa Sánchez destacou “a extraordinaria preparación e capacidade de superación dos deportistas que toman parte en La Solitaire du Figaro”.