GRUPOS INTERNACIONAIS E BANDAS GALEGAS DEVOLVEN A VIGO OS GRANDES CONCERTOS DA MAN DO FESTIVAL LATITUDES E O XACOBEO 21-22

Os vigueses Zålomon Grass, o dúo galego Bala, os suecos Mando Diao e  os irlandeses Two Door Cinema Club foron os encargados de abrir o evento este venres no peirao de Transatlánticos
A lenda estadounidense Iggy Pop e os británicos The Vaccines saltarán este sábado ao escenario do porto tras a actuación dos locais Aphonnic e os pontevedreses Furious Monkey House
C. Tangana actuará no mesmo escenario o vindeiro 23 de agosto e catro días despois será a quenda de Quevedo e Ajax e Prok no Festival de Música Urbana
O Xacobeo 21-22 trae á cidade preto de vinte concertos en Vigo desde hoxe ata o vindeiro 18 de setembro

O Festival Latitudes devolveu este venres a Vigo os grandes concertos co apoio do Xacobeo 21-22. O evento ofreceu unha primeira xornada na que os vigueses Zålomon Grass, o dúo galego Bala, os suecos Mando Diao e os irlandeses Two Door Cinema Club foron os encargados de abrir o evento no peirao de Transatlánticos

Latitudes arriba a Vigo cun cartel que inclúe algúns dos principais referentes da música rock do panorama internacional e converte durante dous días o porto de Vigo nunha nova parada obrigatoria do Camiño de Santiago. A lenda estadounidense Iggy Pop e os británicos The Vaccines saltarán este sábado ao escenario do porto tras a actuación dos locais Aphonnic e os pontevedreses Furious Monkey House.

A delegada territorial da Xunta de Galicia en Vigo, Marta Fernández-Tapias, destacou o oferta do festival e cualificou a programación musical do Xacobeo como a mellor oferta de toda Galicia. “A Xunta traerá a Vigo este verano, sen ningún lugar a dúbidas, a mellor  oferta musical de toda Galicia”, sinalou.

Fernández-Tapias lembrou que no mesmo escenario de Latitudes actuará o vindeiro martes, 23 de agosto, o artista C. Tangana e o sábado 27 de agosto será a quenda do Festival de Música Urbana con Quevedo e Ajax e Prok. Ademais, indicou que  a programación musical do Xacobeo ofrece en total case que unha vintena de concertos desde este venres ata o vindeiro mes de setembro, entre os que destacou tamén o dos británicos Muse (8 de setembro) no Estadio de Balaídos.

Calendario musical do Xacobeo en Vigo

Xacobeo Importa:
17 de xuño: Pat Metheny – Auditorio Mar de Vigo
26 de xuño: Marisa Monte – Afundación
7 de xullo: Agnes Obel – Afundación
10 de xullo: Leon Bridges – Auditorio Mar de Vigo

Rufus Wainwright: 2 de xullo (Afundación)

Ciclo Xacobeo Vigo (Auditorio Mar de Vigo):
6 de xullo: Fat Freddy’s Drop
17 de xullo: Steve Vai
22 de xullo: Yann Tiersen
9 de agosto: Texas
26 de agosto: Cimafunk
18 de setembro: Mayumaná

Festival Latitudes: (Porto de Vigo)
19 de agosto: Two Door Cinema Club, Mando Diao, Bala e Zalomon Grass
20 de agosto: Iggy Pop, The Vaccines, Aphonic, Furious Monkey House, Sylvia Supertar DJ

C. Tangana: 23 de agosto (Porto de Vigo)

Festival Música Urbana: 27 de agosto (Porto de Vigo)

  • Ayax y Prok
  • Quevedo
  • Califato
  • Sila Lúa
  • Safree

Muse: 8 de setembro en Balaídos

Fito & Fitipaldis: 28 de outubro no Auditorio Mar de Vigo

Fredi Leis: 25 de novembro no Teatro Afundación