A delegada territorial da Xunta en Vigo, Marta Fernández-Tapias, e o director  da Axencia Galega de Infraestruturas, Francisco Menéndez, supervisaron hoxe a actuación

FERNÁNDEZ-TAPIAS AVANZA QUE A AMPLIACIÓN DO IFEVI ESTARÁ FINALIZADA A FINAIS DE MARZO

A representante autonómica na cidade defende a compatibilidade do uso expositivo e deportivo no recinto feiral, como así o demostra a celebración este mes do World Padel Tour, que poderá dispoñer dos vestiarios do novo pavillón
Remarca que o Goberno galego apoia o Ifevi “con feitos”, cun investimento de 7,3 millóns de euros nesta actuación de preto de 30 millóns no cómputo global
“Seguiremos a traballar no seu impulso, mellorando a súa competitividade, en beneficio de Vigo, a través da actividade económica e a xeración de emprego”, dixo

A delegada territorial da Xunta en Vigo, Marta Fernández-Tapias, avanzou que as obras de ampliación do Ifevi estarán rematadas a finais de marzo, tal e como puido comprobalo hoxe nunha visita ao recinto feiral vigués xunto ao director da Axencia Galega de Infraestruturas, Francisco Menéndez.

Segundo informou, na nave traballan 103 operarios que permitirán que a instalación estea practicamente terminada coincidindo coa celebración este mes do World Padel Tour. A colación, indicou que a competición terá a súa disposición os novos vestiarios deportivos proxectados no pavillón 5, pensados para dar servizo aos usuarios das pistas de atletismo.

A representante autonómica remarcou que o Goberno galego apoia o Ifevi “con feitos”, cun investimento nesta actuación de 7,3 millóns de euros e, atendendo as obras realizadas con anterioridade, de preto de 30 millóns no cómputo global. “Seguiremos a traballar no seu impulso -dixo-, mellorando a súa competitividade, en beneficio de Vigo, a través da actividade económica e a xeración de emprego”.

Ao fío, defendeu que a celebración no recinto do mencionado circuíto profesional de padel demostra a compatibilidade do uso expositivo e deportivo no Ifevi, “reforzando a aposta da Xunta por unha dotación deportiva que potencia a funcionalidade e o atractivo do recinto feiral”, subliñou en clara referencia ás pistas de atletismo que o Executivo autonómico deseñou para o novo pavillón.

Tras anotar que as pistas de atletismo “nin son para o Concello nin para a Xunta, son para os atletas”, Fernández-Tapias lamentou novamente que o alcalde se opoña a unha actuación coa que se está dando resposta ás necesidades sinaladas polos propios clubs deportivos e os atletas de Vigo e de toda a comarca.

En todo caso, volveu a insistir en que a actividade ordinaria do Ifevi en ningún suposto verase afectada por esta actuación, pois a compatibilidade é total. Un proxecto que, engadiu, coñecen perfectamente en Conxemar e sobre o que non manifestaron oposición algunha.

Por outra banda, Fernández-Tapias convidou ao Concello de Vigo a ser “máis proactivo” e, en lugar de criticar o que está a facer a Xunta, se preocupe por dotar ao recinto feiral duns accesos acordes á súa potencialidade e capacidade para albergar mostras.

[fusion_slider margin_top=»» margin_right=»» margin_bottom=»» margin_left=»» alignment=»center» slideshow_autoplay=»yes» slideshow_smooth_height=»» slideshow_speed=»» hover_type=»none» width=»» height=»» hide_on_mobile=»small-visibility,medium-visibility,large-visibility» class=»» id=»»][fusion_slide type=»image» image_id=»9853″ link=»» lightbox=»no» linktarget=»_self»]https://ppdevigo.com/wp-content/uploads/2022/03/20220310AmpliacionIfevi.jpg[/fusion_slide][fusion_slide type=»image» image_id=»9854″ link=»» lightbox=»no» linktarget=»_self»]https://ppdevigo.com/wp-content/uploads/2022/03/20220310AmpliacionIfevi2.jpg[/fusion_slide][fusion_slide type=»image» image_id=»9855″ link=»» lightbox=»no» linktarget=»_self»]https://ppdevigo.com/wp-content/uploads/2022/03/20220310AmpliacionIfevi3.jpg[/fusion_slide][/fusion_slider]